თბილისსა და ნიუ-დელიში ებრაელ დიპლომატებზე თავდასხმა განხორციელდა

თავდასხმებს მსხვერპლი არ მოჰყოლია

თბილისსა და ნიუ-დელიში ებრაელ დიპლომატებზე თავდასხმა განხორციელდა
გაიგზავნა 13.02.2012 14:33:57 UTC
განახლდა 14.02.2012 13:12:03 UTC

თბილისში საქართველოში ისრაელის ელჩის მანქანის ქვეშ დამონტაჟებული მომბმი მისმა მძღოლმა აღმოაჩინა, რის შემდეგაც იგი ქართველმა პოლიციელებმა გააუვნებელყვეს.

ინდოეთის დედაქალაქ ნიუ-დელიში კი ისრაელელი დიპლომატის ავტომობილს ბომბი მოტოციკლეტიდან ესროლეს, რის შემდეგაც იგი აფეთქდა. აღნიშნულის შედეგად ორი ადამიანი დაშავდა.

ისრაელის პრემიერ-მინისტრმა ბენიამინ ნათანიაჰუმ განაცხადა, რომ აღნიშნულის უკან ირანი დგას და დაამატა, რომ ამგვარივე მცდელობებს ადგილი აზერბაიჯანში, ტაილანდასა და სხვა ქვეყნებშიც ჰქონდა.

ირანმა ისრაელის ბრალდებები უარყო. თავდასხმებზე პასუხისმგებლობა კი ჯერ-ჯერობით არავის აუღია.