რუსეთ-საქართველოს ურთიერთობების ნორმალიზების გზაზე მნიშვნელოვანი ნაბიჯი იდგმება, რადგან დასასრულს უახლოვდება მოლაპარაკებები ორი ქვეყნის დელეგაციებს შორის საზღრების გახსნის თაობაზე. ასე რომ, უკვე მიღწეული შეთანხმებით პირველ მარტამდე უნდა გაიხსნას ზემო ლარსის საკონტროლო გამშვები პუნქტი

ახლა ამ თემაზე გთავაზობთ თურქი პოლიტოლოგის მითათ ჩელიქფალას მოკლე ანალიტიკურ სტატიას, რომელშიც იგი წერს;

რუსეთის არმიის მხრიდან 2008 წლის აგვისტოში საქართველოზე თავდასხმის შემდეგ პირველი მნიშვნელოვანი ნაბიჯი იდგმება ორი ქვეყნის ურთიერთობების ნორმალიზების გზაზე, რადგან შვეიცარიის შუამავლობით ამ ქვეყანაში მიმდინარე მოლაპარაკებებზე ორივე ქვეყნის დელეგაციებმა შეთანხმებას მიაღწიეს დახურული საზღვრების გახსნის საკითხში და ამ ეგიდით პირველად ზემო ლარსის საზღვარი გაიხსნება, თანაც პირველ მარტამდის. საქართველოს საგარეო საქმეთა მინისტრის მოადგილის ნანა კალანდაძის განცხადებით ლარსის საზღვრის გახსნის თაობაზე შესაბამისი პროტოკოლი თითქმის მზადაა ხელმოწერისათვის. რუსეთის საგარეო საქმეთა მინისტრის პირველი მოადგილის სერგეი ივანოვის თქმით კი ხსენებული სასაზღვრო კარის გახსნა მთლიანობაში ხელს შეუწყობს ორი ქვეყნის ურთიერთობების ნორმალიზებასაც. მისივე თქმით თუ ქართული მხარე უსაფრთხოების მყარ გარანტიას მისცემთ რუს პილოტებს, მაშინ შეიძლება საქართველოში სამგზავრო თვითმფრინავების რეისებიც აღდგეს. ეს პროცესი კი მას შემდეგ დაიწყო, რაც დეკემბრის დასაწყისში რუსეთის პრეზიდენტმა დიმიტრი მედვედევმა თქვა რომ, ვერაფერ წინააღმდეგობას ვერ ხედავს საქართველოსთან საზღვრების გახსნისა და პირდაპირი ფრენების დაწყების საკითხში

ყაზბეგი-ზემო ლარსის სასაზღრო კარი ერთადერთია, რომელიც პირდაპირ აერთიანებს რუსეთსა და საქართველოს. İიგი ცალმხრივად დახურა მოსკოვმა ჯერ კიდევ 2006 წლის ზაფხულში და მიზეზად მისი რეკონსტრუქცია დაასახელა. თბილისმა კი ეს აქტი მის მიერ წარმოებული პროდასავლური პოლიტიკის გამო მოსკოვის მხრიდან დასჯად შეაფასა. Mმას შემდეგ რუსეთ-საქართველოს შორის შესვლა-გამოსვლა ხდებოდა აფხაზეთისა და სამხრეთ ოსეთის მეშვეობით, მაგრამ ეს კარებებიც გამოუსადეგარი გახდა აგვისტოს კონფლიქტის შემდეგ

ზემო ლარსის სასაზღრო კარის გახსნას საქართველოსთან ერთად დიდი მნიშვნელობა აქვს სომხეთისათვისაც, რადგან სწორედ ამ ერთადერთი კარით უკავშირდებიან ერთმანეთს სომხეთი და რუსეთი და სწორედ ამ კარითვე იწარმოება სომხეთ – რუსეთ შორის ვაჭრობის 90%, ამიტომაც ერევანიც დიდად დაინტერესებულია ამ კარის გახსნაში, წერს თურქი პოლიტოლოგი მითათ ჩელიქფალა